Վերամուտի Պաշտամունք և Ճաշարանի Բացում
Tue, 12 Nov 2019

Հոկտեմբեր 13, 2019ին  ժամը 10:00-ին, Հայ Աւետ. Էշրէֆիէի Եկեղեցւոյ մէջ տեղի ունեցաւ 2019-2020 տարեշրջանի վերամուտի պաշտամունքը, որուն Ներկայ էին վարժարանիս աշակերտները, ուսուցչական կազմը, պաշտօնէութիւնն ու ծնողները։ Օրուան պատգամը փոխանցեց վեր. Նշան Պագգալեան, ապա վարժարանիս տնօրէնուհի' տիկին Մարալ Տէյիրմէնճեան ներկայացուց տեղեկագրութիւն մը եւ մանրամասնեց այս տարեշրջանին կիրարկուելիք ծրագիրները։ Մանկապարտէզի Ծաղիկ դասարանը եւ նախակրթարանի հինգերորդ եւ վեցերորդ դասարաններէն աշակերտներ բաժին բերին հոգեւոր երգեր մեկնաբանելով։ Երգի ուսուցչուհի Տիկին Շողիկ Թորոսեան յայտագրին մաս կազմեց մեներգով մը։ Շրջանաւարտ դասարանի աշակերտուհի'  Սէրլի Թօփէեան Աստուածաշունչէն  ընթերցեց հատուած մը։
Պաշտամունքի աւարտին տեղի ունեցաւ վերանորոգուած ճաշարանին բացումը, որ մտայղացումն էր Միացեալ Նահանգներու Շրջանաւարտից Միութեան եւ իրականացաւ անոնց նիւթական ու բարոյական աջակցութեամբ։


Comments
Name
Title
Comment

  961 (1) 442 594          

  info@aechs.com          

  Armenian Evangelical Central High School  Ashrafieh, Beirut, Lebanon          

Français Armenian عربي